sasakala Gunung Tangkuban Parahu

Gunung tangkuban parahu teh ayana di beulah kaler kota bandung.Mun di sawang ti kajauhan mah,

bleg siga parahu anu nangkub. Eta teh cenah carita rahayat Sunda yen baheula mangrupakeun sasakala parahu anu ditajong ku satria nu hayangeun ka Dayangsumbi. Tapi teu kalaksanakeun lantaran nu ngaran Sangkuriang. Kusabab teu bisa nampik kana kahayang eta satria, nya Dayangsumbi menta sarat ka Sangkuriang supaya dipangnyieunkeun talaga ku jalan mendet leuwi Sipatahunan lengkep jeung parahuna dina wanci sapeuting.
Keur jongjon nyieun talaga jeung parahu, kadenge hayam jago geus raong kongkorongok jeung sariak layung katingali beulah wetan. Padahal harita teh rarasaan Sangkuriang mah masih peuting keneh. Sing horeng Dayangsumbi menta tulung ka sakabeh rahayat supaya harudang. Ari awewe kudu nakolan lisung ku halu sangkan hayam disarada. Ari lalaki kudu ngebut-ngebut karembong koneng siga sariak layung nandakeun wanci geus asup ka isuk-isuk. Maksudna nyaeta sangkan Dayangsumbi teu jadi kawin jeung anakna sorangan.
Ngarasa pagaweanana gagal, sangkuriang kacida ambekna. Eta parahu anu can anggeus ditajong nepi ka ngalayang jauh pisan terus nangkub dibeulah kalereun kota Bandung. Ayeuna eta parahu teh ngawujud jadi salah sahiji gunung ditatar pasundan nu katelah Gunung Tangkuban Parahu.